Lamun kelingan ning Cerbon, isun kelingan karo “Jogregan’-nye Lamsijan ning Koran Mitra Dialog. Bengiyen, koran’ne masih aran Pikiran Rakyat Edisi Cirebon, tapi sekiyen wis ganti dadi Mitra Dialog.

 

Mbuh, kenang apa diganti aran’ne kuh,…mrana pada takon’na ning Pemimpin Redaksi’ne yah ?

 

Sing awit cilik, seneng pisan lamun maca Jogregan mau. Basa’ne lucu, lan khas. Lamun jare istilah bahasa Indonesia sih ‘membumi’.  Tokoh utama’ne aran Lamsijan. Pasti si Lamsijan iki sing nongol ning Jogregan. Bli pernah ganti.

 

Lamsijan, lamun jare wong – wong tuwa ning desa kita sih tokoh ‘cepot’ wayang golek cerbonan. Lah, pas pisan lamun dadi tokoh utama’e. Pinter temen sing dadi penulis’e, njukut aran Lamsijan mau. Coba lamun aran’ne diganti karo Charles Ronaldo, pasti bli pada di senengi ning wong – wong Cerbon.

 

Cerita Jogregan ‘membumi’ lantaran pas karo kondisi Cerbon. Pas tokoh’e, pas cerita’ne, pas bahasa’ne. Bahasa’ne enak, bli nganggo bahasa wong intelek sing duwur – duwur . Tapi nganggo bahasa wong cilik’kan, cocok karo isun sing bli ngerti apa – apa. Lamun jare istilah majalah Tempo sih, enak diwaca lan perlu.

 

Sekiyen, isun wis adoh saking Cerbon…priben ya kabare Jogregan mau ? Masih ana bli yah? Atawa, wis ilang saking bumi Cerbon?….

 

Aja sampe ilang sih, Kang Lamsijan!

Iklan