Isun masih kelingan waktu cilik, seneng pisan nonton wayang. Apamaning, sing ndalange Dalang Akirna Hadiwekasan lan sinden’ne Itih S. Pada kelingan bli, ning dalang Akir lan sinden Itih S ? Wah, lamun pada klalen, ya melas pisan…
Soale waktu iku, Dalang Akir dalang sing paling terkenal lan kondang ning seluruh wilayah Cerbon. Suarane pas lamun ngomong dadi suara Cungkring, Dorna, Betara Guru, Gatotkaca, Semar, lan wayang – wayang sejen’ne. Suarane beda – beda lamun ngomong dadi tokoh wayang mau, bli pada bae lan bli cempreng.
Terus, sinden Itih S, terkenal pisan lantaran wong’e masih nom lan ayu,…gembleng pisan! Suarane enak lan empuk, dadi akeh wong nonton sing pengen pada kenalan karo sinden Itih S mau. Terus biasane, wong nonton pada kirim – kirim lagu, misale lagu Kembang Boled, ngirime kanggo amplop sing ditulisi surat karo ana selipan duwit’e.
Wah, waktu iku sinden Itih S, ibarat’e kaya dadi Agnes Monica versi Cerbon lamun jaman sekiyen sih…. Pokoke laranglah, lamun nanggap dalang Akir karo Sinden Itih S mau.
Mbuh, saiki priben ya kabare Sinden Itih S lan Pak Dalang Akir mau? Ana beli, anak putune sing dadi dalang lan sinden?
Jaman sekiyen wis akeh tontonan sih, ana Organ Tunggal, Layar Tancep, Orkes Dangdut. Terus bocah nom’an wis pada kesambet jaman modern, pada males yah lamun nonton wayang ?
“Ah, wayang kuh tontonane wong tuwa, gawe ngantuk bae…” jare Misnen, sing biasa diceluk Boled ning batur – bature.
“Masih mending gan nonton dangdut artis ibu kota …Dewi Persik! Goyange gawe ontreg dunya!”
Jaman sekiyen, ana beli sing masih pengen dadi sinden lan dalang ya?
“Ah, cuman wong goblog sing pengen dadi dalang kuh…masih mending belajar organ tunggal, pencet – pencet wis praktis, bli usah nabuh gong, nabuh kemong, nabuh kendang ….gawe ruwed bae!” jare Miskad, sing lahire dina Kemis lan akeh wong kendat ( gantung diri ).
“Apamaning dadi sinden, oli saweran cuma limangatus perak, cangkem pegel, boyok linu…” jare Marpu’ah, sing biasa diceluk Inul karo batur – bature, soale bokonge rada njongkeng lantaran wudun’ne bli waras – waras .
Ya, bener uga sih…
Apa maning jaman sekiyen wis langka sing pada nanggap wayang kulit, akeh’e pada nanggap organ tunggal lan orkes dangdut…
Priben jeh ? Sampeyan sih pada gelem bli dadi dalang lan sinden wayang ?
Desember 24, 2008
abyasa2
Lare Grage 
4 responses to “Nonton Wayang”
Mas Karim Djamudin
Januari 31st, 2009 pukul 01:16
Kita kuh ning kene nembe nonton wayang nggawa anak karo rabi ning lapangan. Tontonan ikuh digelar gara-gara nyambut taun anyar lan taune wong Jawa. Tapi wayang sing dimainaken nganggo basa Jawa wetanan. Ya, embuh, ana sing diwerui artie, tapi kaya-kayae akeh sing orah werue. Lamun mengkonon, anake kita sing lanang kuh waktu wayange lagi perang seneng pisan. Mergane mata wis ngantuk dadi ora sampe pragat nontone terus udan maning. Ya, wislah balik bae. Ceritae ‘Gatot Kaca Dadi Ratu’. Sindene gembleng-gembleng kabeh. Ari ning Batam ana ta beli tontonan wayang, kuh, Mang? Ning Batam ana adie kita loro. Menggawee ning Mc Dermot. Salam nganggo separakanca lan keluarga, ya, Mang….
abyasa2
Februari 2nd, 2009 pukul 02:44
Ning Batam iki pulau multi etnis, suku endi bae ana kabeh…
Dadi wayang yo, ana…tapi, biasana wayang Jawa Wetanan, dudu wayang Cerbonan
sing nanggap, biasane paguyuban Jawa sing ana ning Batam, misale Punggowo, Jawa Manunggal, dll..dll..
Dadi, laka wayang sing aran Cungkring, Bagal Buntung, atawa Curis…
Wah, kerja ning Mc Dermot mah lumayan Kang, gaji’e ning duwur UMR biasane…selamet lah.
Salam balik kanggo sedulur separa kanca ning tempat sampeyan…. kesuwun wis mampir mene maning Kang
Boca Cerbon
Desember 12th, 2010 pukul 16:15
kula wong cerbon asli, menggawe ning radio, lan radioe kula ikuh radio cerbon sing modren, tpi bli ninggalaken adat lan budaya.. nah pas wong tua kula pernah cerita. wayang bengen beda karo wayang skyen. trus kula usul ning bos, seminggu ana acara cerbonan, alhamdulillah di acc, trus kula luru kaset lan file wayang, alhamdulillah ning cerbon wis langka, tpi kula duwe batur ning radio pamanukan ikuh duwe kabeh, sing awit wayang kulit, drama tarling, sampe sandiwara, langsung kula njaluk kabeh lan skyen alhamdulliah file ning radioe lengkap tentang seni lan budaya cerbon, dadi radioe kula due komentemen, bagen keceluk rada modren, tpi bli ninggalken seni lan budayae
sutiman
Januari 25th, 2015 pukul 05:44
Soal Wayang, sami mawon, bengen waktu cilik (masih Sekolah SD kayane mah)-tahun 1984 an- kula ge sering rongokaken ning kaset,kadang setiap bengi minggu awit jam 10 sampe esuk ngrokaken Wayang karo Bapa kula (almarhum). Kadang lamon ana tontonan kula nonton e ning panggung…pas esuk2 tangi wis ana ning umah bae, pas takon Ning wong tua, Bapa kuh Cung ngulati sira ning Tanggapan wayang, ketemue ning Panggung lagi turu…oh, rupane pas lagi ndeleng wayang mata e isun wis ora kuat,langsung tumbang…maklum, masih bocah kan ora kuat Melek…bakas ning kaset kula seringe kaset Wayang Mansyur M – Gegesik.